Mae Dale yn rhoi ei enw i’r penrhyn sy’n cysgodi’r fynedfa i Aberdaugleddau. Yn Mill Bay, ychydig y tu mewn i fynedfa’r harbwr, y glaniodd Harri Tudur ym 1485 ar ei ffordd i ennill coron Lloegr ym Mrwydr Bosworth. Bu goleudy ar Benrhyn y Santes Ann ers 1713 a cheir llwybrau cerdded ysblennydd ar glogwyni o amgylch y pentir.

Mae pentref Dale mewn man deniadol ar yr aber. Ceir traeth tywod a graean bras a nifer o dai teg ar hyd wal yr hen gei. Roedd unwaith yn bentref prysur oherwydd masnach y môr a physgota, a bellach mae’n ganolfan boblogaidd i chwaraeon dwr, ag angorau i gychod hwylio a chyfleusterau ar gyfer hwylio byrddau a lansio cychod pleser. Mae’n bosibl y bydd tagfeydd yn yr haf, ond mae digon o le i barcio yn agos at y traeth.

Bob dydd, mae yna nifer o weithredwyr yn cynnal teithiau Bywyd Gwyllt a theithiau Plymio yn yr ardal, gan adael o amryw o fannau.

Ymysg y gweithredwyr mae:

Dale Sea Safari - Y rhai sydd wedi eu hangori yn Dale neu Neyland

Mae gan yr holl weithredwyr yma feistri llongau a chriwiau wedi’u hachredu gan gynllun WiSe (Wildlife Safe) ac maen nhw’n aelodau gweithredol o grwp Cod Morol Sir Benfro. Fel y cyfryw, byddan nhw'n cydymffurfio â’r codau ymddygiad a ddatblygwyd i warchod bywyd gwyllt morol Sir Benfro, a byddan nhw hefyd yn rhoi gwybod i noddwyr am unrhyw rywogaethau byddan nhw’n eu gweld.

Mae gweithredwyr eraill hefyd ar gael yn yr ardal.

I gael mwy o wybodaeth ynglyn â lle i fynd a beth i’w weld, piciwch i mewn i
www.pembrokeshirecoast.org.uk