| Yr Hafanau |
Aberllydan
Mae Aberllydan yn gyrchfan boblogaidd sy’n weddol agos at Hwlffordd. Roedd Aberllydan unwaith yn bentref glofaol, a dechreuodd ddatblygu yn gyrchfan glan môr (gan gynnwys peiriannau ymdrochi) yn ystod Oes Fictoria. Mae bellach yn bentref sylweddol ei faint sy'n cynnwys amrywiaeth o siopau a bwytai a digonedd o le i barcio. Oherwydd y traeth tywod llydan sy’n lle diogel i ymdrochi, mae’n ddelfrydol i deuluoedd ac mae hefyd yn boblogaidd ymhlith pysgotwyr môr a syrffwyr. Gorlifwyd gweithfeydd glo yn yr ardal a’u troi yn warchodfa natur fach. Yr Aber Bach Pentref pysgota prydferth yw’r Aber Bach wedi’i leoli mewn bae cysgodol â thraeth bach gerllaw. Fodd bynnag, ar un adeg roedd yn ganolfan i ardal fwyngloddio. Byddai glo carreg yn cael ei allforio o weithfeydd gerllaw, a byddai gweithwyr ar y traeth yn llwytho’r llongau a fyddai’n ei gludo gan ddilyn y glannau. Heddiw mae’r bae yn cynnig cysgod i gychod pleser bach ac un neu ddau o gychod cimwch, ac mae’n boblogaidd ymhlith plymwyr. Mae’r pentref wedi’i wasgu yn y dyffryn ger blaen y gilfach, ac oherwydd bod y tair ffordd sy’n arwain ato yn serth ac yn gul, mae’n debygol y bydd tagfeydd yn ystod tymor y gwyliau. Dewis amgen poblogaidd yw parcio yn Aberllydan gerllaw a cherdded i’r Aber Bach. Bob dydd, mae yna nifer o weithredwyr yn cynnal teithiau Bywyd Gwyllt a theithiau Plymio yn yr ardal, gan adael o amryw o fannau.
Dive Pembrokeshire UK - Y rhai sydd wedi eu
hangori yn Neyland Mae gan yr holl weithredwyr yma feistri llongau a chriwiau wedi’u hachredu gan gynllun WiSe (Wildlife Safe) ac maen nhw’n aelodau gweithredol o grwp Cod Morol Sir Benfro. Fel y cyfryw, byddan nhw'n cydymffurfio â’r codau ymddygiad a ddatblygwyd i warchod bywyd gwyllt morol Sir Benfro, a byddan nhw hefyd yn rhoi gwybod i noddwyr am unrhyw rywogaethau byddan nhw’n eu gweld. Mae gweithredwyr eraill hefyd ar gael yn yr ardal. I gael mwy o wybodaeth ynglyn â lle
i fynd a beth i’w weld, piciwch i mewn i |
| <BACK |
