Sefydlodd Syr William Hamilton Aberdaugleddau ym 1790, ac mae gan y dref gysylltiadau cryf â’r Llyngesydd Nelson. Ymhlith yr anheddwyr cynnar roedd helwyr morfilod a oedd yn Grynwyr o Ynys Nantucket. Bydden nhw’n darparu olew i oleuo lampau Llundain. Roedd yno wasanaeth cychod rheolaidd i Iwerddon ac iard llongau llyngesol, ond symudwyd hon i Ddoc Penfro yn ddiweddarach.

Roedd dyfodiad y rheilffordd ym 1863 yn hwb newydd i’r dref, ac adeiladwyd canolfan ddociau fawr. Daeth hon yn gartref i’r fflyd bysgota fwyaf ond pump ym Mhrydain, ac fe ffynnodd y dref. Gwnaed yn iawn am y dirywiad yn y diwydiant pysgota yn y 1950au gan dwf y diwydiant olew, pan adeiladwyd sawl purfa ar hyd yr Hafan.

Mae Aberdaugleddau yn borthladd ac yn dref brysur o hyd. Ailddatblygwyd rhan o’r dociau i gynnwys marina.

© Awdurdod Parc Cenedlaethol Arfordir Penfro 2002

Bob dydd, mae yna nifer o weithredwyr yn cynnal teithiau Bywyd Gwyllt a theithiau Plymio yn yr ardal, gan adael o amryw o fannau.

I gael mwy o wybodaeth ynglyn â lle i fynd a beth i’w weld, piciwch i mewn i

www.pembrokeshirecoast.org.uk