| Tyddewi |
Mae
dinas leiaf Prydain wedi bod yn denu ymwelwyr ers dros fil o flynyddoedd.
Sefydlodd Dewi, nawddsant Cymru, fynachlog yma yn y 6ed Ganrif,
a daeth yn ganolfan ar gyfer Cristnogaeth gynnar.
Adeiladwyd yr eglwys gadeiriol gyntaf ar safle mynachlog wreiddiol Dewi yn fuan ar ôl concwest y Normaniaid. Cafodd hon ei hailadeiladu, ei haddurno, a’i hymestyn dros y canrifoedd, nes iddi ddatblygu yn Eglwys Gadeiriol odidog bresennol Tyddewi. Ochr yn ochr â’r eglwys gadeiriol mae adfeilion trawiadol Palas yr Esgob o'r 14eg Ganrif, a Choleg y Santes Fair sy’n dyddio o’r 13eg Ganrif, sydd wedi’i atgyweirio. Ceir nifer o siopau crefftau, orielau, siopau gweithgareddau awyr agored, caffis a bwytai yn Nhyddewi, ynghyd â Chanolfan Ymwelwyr y Parc Cenedlaethol, sydd wedi ennill gwobrau. Mae'n ganolfan bwysig ar gyfer chwaraeon antur, yn enwedig syrffio a dringo. Gallwch archebu lle ar deithiau cwch i Ynys Dewi yma; byddan nhw'n gadael o St Justinians sydd gerllaw. Mae Traeth Mawr llai na 2 filltir i ffwrdd, ac mae hwn yn boblogaidd â nofwyr a syrffwyr. Hefyd, mae yna sawl bae, traeth a chilfach dlos o fewn cyrraedd hawdd. © Awdurdod Parc Cenedlaethol Arfordir Penfro 2002 Bob dydd, mae yna nifer o weithredwyr yn cynnal teithiau Bywyd Gwyllt a theithiau Plymio yn yr ardal, gan adael o amryw o fannau. Ymysg y gweithredwyr mae: Thousand Island Expeditions - Y rhai sydd
wedi eu hangori yn St Justinians Mae gan yr holl weithredwyr yma feistri llongau a chriwiau wedi’u hachredu gan gynllun WiSe (Wildlife Safe) ac maen nhw’n aelodau gweithredol o grwp Cod Morol Sir Benfro. Fel y cyfryw, byddan nhw'n cydymffurfio â’r codau ymddygiad a ddatblygwyd i warchod bywyd gwyllt morol Sir Benfro, a byddan nhw hefyd yn rhoi gwybod i noddwyr am unrhyw rywogaethau byddan nhw’n eu gweld. Mae gweithredwyr eraill hefyd ar gael yn yr ardal. I gael mwy o wybodaeth ynglyn â
lle i fynd a beth i’w weld, piciwch i mewn i |
| <BACK |
